Kunfentu ou primavera: canto de esperança

Huco Monteiro 

Kunfentu ou primavera: canto de esperança 

Aonti di noti
Esperança kuri kuri na ruas di Bissau ku força di Sambaturmé
Noti di lua cheia
Lambri di esperança bistitdu pa na tuti
Dondon na rapica na bairros 
lus sindi na udjus di pubis
Alegria na darma suma kurbal na Saltinho
Kunfentu tissi noba
Djintis di katcheu ku tchiga
Nobas di katcheu ku patchari

Nudadi nha pubis
Aonti di noti Kunfentu bida primavera
Mindjeris lanta, mininus forma bandas, latas na tokadu 
Ala é na bai kontrada di esperança
Pubis na pupa bibo
Banderas na sanadu
Lens di mindjeris fala sinta bu pera 
Kaminhu ka tchiga
Praça intchi kun

Nfirma na Fonti di bás Nna djubi
Bela di esperança na sardia
Bibo pali bibo pala
Memu kaminhu otcha camaradas na tchiga
Memu alegria 
Mesmo esperança
Ai parança Deus
Salvé nha djintis, salvé esperança
Ninguin ka nganha, ninguin ka pirdi 
Esperança ku sindi más suma bela na Guiné

                                                                           Huco Monteiro